آسٹریلین اوپن: ٹینس سٹارز کوچنگ سٹاف کی ایڈیلیڈ آمد جاری 

لاہور (سپورٹس ڈیسک )سال کے پہلے گرینڈ سلم آسٹریلین اوپن میں شرکت کرنے کیلئے ٹینس سٹارز اور کوچنگ سٹاف کی ایڈیلیڈ آمد جاری ہے ۔ رافیل نڈال، جوکوچ سمیت تمام بڑے سٹارز 14 روز کی آئسولیشن میں رہیں گے۔کرونا وائرس کی وجہ سے سال کے پہلے گرینڈ سلم میں تین ہفتوں کی تاخیر ہوئی ہے، آسٹریلین اوپن کووڈ کی تمام تر ایس او پیز کیساتھ اب 8 فروری سے شروع ہوگا جس کیلئے تیاریاں آخری مراحل میں داخل ہوگئی ہیں۔سربیاکے نوواک جوکوچ، سپین کے رافیل نڈال، امریکہ کی سیرینا ولیمز اور جاپان کی ناومی اوساکا سمیت دیگر کھلاڑی ایڈیلیڈ پہنچنے کے بعد اب دو ہفتوں کی آئسولیشن میں رہیں گے۔