لاہور(نیوز رپورٹر) لاہور ویسٹ مینجمنٹ کمپنی کے زیر اہتمام آگاہی مہم کا انعقاد کیا گیا۔اس حوالے سے ملتان روڈ پر صفائی آگاہی کیمپ لگایا گیا۔آگاہی مہم کے انعقاد کا مقصد شہریوں میں صفائی کے حوالے سے شعور اجاگر کرنا تھا۔آگاہی مہم میں منسٹر اقلیت اعجاز عالم، مہر واجد جنر ل سیکٹری شمالی لاہور، جنرل سیکٹری پی ٹی آئی سمن آباد میا ں امجد اقبال،علی رشیدد جنر ل سیکٹر ی ڈی جی بی ٹی ٹاون ،غلام مہین دین صدر شمالی لاہور اور سی ای او ایل ڈبلیو ایم سی سمیت دیگر افسران اور ایل ڈبلیو ایم سی سوشل موبلائزرز نے شرکت کی۔اس موقع پر میاں امجد اقبال نے خصو صی صفائی مہم کے حوالے سے ایل ڈبلیو ایم سی کی کاوشوں کو سراہا اور انکا کہنا تھا کہ میں سی ای او ایل ڈبلیو ایم سی کا دل سے مشکور ہوں ،سی ای او ایل ڈبلیو ایم سی کی کاوشوں کی وجہ سے ہم نے لاہور کو صاف کیا۔