ملتان (نیوز رپورٹر) مرکزی انجمن تاجران زکریا ٹاؤن،شالیمار کالونی خیرالمعارف روڈ بوسن روڈ کے تاجروں کے ساتھ ہونے والی وارداتوںکوتھانہ بی زیڈ یو پولیس کی جانب سے ٹریس کرنے اور ملزم گرفتار کرنے پرآل پاکستان انجمن تاجران جنوبی پنجاب وملتان شہر کے صدر عارف فصیح اللہ ،مرکزی انجمن تاجران زکریا ٹاؤن کے صدر رانا ارشادکی جانب سے ڈی ایس پی نصراللہ وڑائچ اور ایس ایچ اوافضال قریشی کے اعزاز میں استقبالیہ دیا گیا ،اس موقع پرملک رمضان سیال، شاہ بدر کے صدرڈاکٹر غلام شبیر،ملک منیرآرائیں،عارف مہار،ڈاکٹر غلام شبیر،شالیمار کے صدر ملک منیر حسین ہانس ،ملک ذیشان ہانس،حاجی رشید ہانس،ملک شہزاد ودیگر تاجر رہنما موجود تھے۔