آئندہ بارہ گھنٹوں کے دوران ملک کے بیشتر علاقوں میں موسم سرد اور خشک جبکہ بالائی علاقوں اور شمالی بلوچستان میں ابرآلود رہے گا۔تاہم بالائی خیبرپختونخوا، شمالی بلوچستان، گلگت بلتستان، کشمیر اور اس سے ملحقہ پہاڑی علاقوں میں چند مقامات پر ہلکی بارش اور برفباری کا امکان ہے۔پنجاب کے میدانی علاقوں اور بالائی سندھ میں شدید دھند پڑنے کا امکان ہے۔آج صبح ریکارڈ کیے گئے بعض بڑے شہروں کا درجہ حرارت: اسلام آباد آٹھ ڈگری سینٹی گریڈ، لاہور سات، کراچی سترہ، پشاور دس، کوئٹہ چھ، گلگت تین، مری اور مظفر آباد پانچ ڈگری سینٹی گریڈ۔بھارتی غیر قانونی زیرقبضہ جموں و کشمیر میں محکمہ موسمیات کی پیشن گوئی کے مطابق سری نگر، لیہہ، پلوامہ، اننت ناگ، شوپیاں اور بارہمولہ میں بارش اور برف باری کے امکانات کے ساتھ ابر آلود موسم اور جموں میں ابر آلود، دھند چھائے رہنے کا امکان ہے۔