شہزاد سعید سیکرٹری سیاحت‘ طاہر رضا بخاری ڈی جی اوقاف تعینات

لاہور (نمائندہ خصوصی+آئی این پی) پنجاب حکومت نے متعدد افسروں کے تقرر و تبادلوں کے احکامات جاری کر دیئے۔ سیکرٹری سیاحت مس آسیہ گل‘ ایس اینڈ جی اے ڈی میں رپورٹ کرنے کی ہدایت، ممبر (جوڈیشل VI) بورڈ آف ریونیو پنجاب شہزاد سعید سیکرٹری سیاحت تعینات، گریڈ 19 کے افسر محمد الطاف بلوچ کو ڈائریکٹر جنرل شماریات کوآرڈینیشن، محکمہ داخلہ تعینات، ایڈیشنل سیکرٹری وزیر اعلیٰ آفس ذیشان شبیر رانا کو ڈپٹی کمشنر خانیوال تعینات، ایڈیشنل ڈپٹی کمشنر ریونیو خانیوال عمر افتخار شیرازی سے ڈی سی خانیوال کا اضافی چارج واپس لے لیا گیا۔ ایگزیکٹو ڈائریکٹر پنجاب کونسل آف آرٹس (پکار) محمد ابرار عالم کو محکمہ اطلاعات و ثقافت رپورٹ کرنے کی ہدایت اور گریڈ 19کے افسر محمد محبوب عالم کو ایگزیکٹو ڈائریکٹر پنجاب کونسل آف آرٹس تعینات کر دیا گیا ہے۔ ڈی جی اوقاف پنجاب ارجمند ضیا سے عہدے کا چارج واپس  لیکر ایس اینڈ جی اے ڈی رپوٹ کرنے کی ہدایت کر دی گئی۔ تقرری کے منتظر طاہر رضا بخاری ڈی جی اوقاف پنجاب، اے ڈی سی ریوینیو سرگودھا جویریہ مقبول کو تبدیل کرکے ڈپٹی سیکرٹری پرائمری اینڈ سیکنڈری ہیلتھ پنجاب، اے ڈی سی فنانس اینڈ پلاننگ لاہور فیضان احمد ریاض کو تبدیل کر کے اے ڈی سی ریوینیو سرگودھا ، تقرری کے منتظر لیاقت علی چٹھہ ممبر جوڈیشل 6 بورڈ آف ریوینیو پنجاب، احمد صحیب ایڈیشنل ڈپٹی کمشنر جنرل خوشاب، تقرری کے منتظر سلیمان احمد کی خدمات لوکل گورنمنٹ پنجاب کے سپرد، تقرری کے منتظر محمد سرور ڈائریکٹر ایڈمن پی ایچ اے فیصل آباد تعینات کر دیا گیا۔