بالائی علاقوں میں موسم شدید سرد، میدانی میں تیز ہوائیں چلنے کا امکان 

اسلام آباد(خبرنگار) بالائی علاقوں میں موسم شدید سرد شدید سرد رہنے جبکہ میدانی علاقوں میں سرد اورتیز ہوائیں چلنے کا امکان ہے۔ محکمہ موسمیات کے مطابق  منگل کو ملک کے بیشتر علاقوں میں موسم سرد اور خشک جبکہ بلوچستان ، بالائی خیبر پختونخوا ،کشمیراور گلگت بلتستان میں شدید سرد رہے گا ۔ پنجاب اور خیبر پختونخواہ کے میدانی علا قوں ،بالائی سندھ ، خطہ پو ٹھو ہار اور کشمیر میں صبح کے اوقات میں کہر پڑ نے کی توقع ہے۔
  اس دوران میدانی علاقوں میں سرد اورتیز ہوائیں چلنے کا امکان ہے۔گذشتہ 24 گھنٹوں کے دوران ملک کے بیشتر علاقوں میں موسم شدید سرد اور خشک رہا  تاہم دیر اور استور میں  ایک  ملی میٹر بارش جبکہ استور میں ٹریس برف باری بھی ریکارڈ ہوئی۔اس دوران ملک میں کم سیکم درجہ حرارت کالام منفی 15،لہہ منفی 14 ،استورمنفی10،اسکردو،قلات ،زیارت منفی09،مستونگ منفی08 ہنزہ، مالم جبہ، پارہ چنار ،نوکنڈی منفی07، کوئٹہ ، دالبندین ، چمن اور دیر میں منفی 06 ڈگری سینٹی گریڈ ریکارڈ کیا گیا۔