ڈاکوؤں، چوروں نے متعدد شہریوں کو لاکھوں روپے سے محروم کر دیا 

لاہور (نمائندہ خصوصی) لاہور میں متعدد وارداتوں میں شہری لاکھوں روپے مالیت کی نقدی، طلائی زیورات، موٹر سائیکلوں اور دیگر قیمتی اشیاء سے محروم ہو گئے۔ تفصیلات  کے مطابق ڈیفنس میں چور شاہ زین کے گھر گھس کر الماریوں کے تالے توڑ کر 4لاکھ روپے، ایل سی ڈی، 2تولے سونا لے  گئے۔ ساندہ سے ڈاکو ندیم اور فیملی سے 6 لاکھ  زیورات، لیاقت آباد میں ڈاکو ناصر کی دکان میں گھس کر گن پوائنٹ پر 1لاکھ 25ہزار ، داتا دربار  میں ڈاکو افضل سے گن پوائنٹ پر 95ہزار اور موبائل فون، نصیر آباد میں ڈاکو حفیظ سے گن پوائنٹ پر 40ہزار اور موبائل فون، ہربنس پورہ  میں ڈاکو  جہانگیر سے گن پوائنٹ پر 17ہزار  اور موبائل فون، شالیمار میں ڈاکو ملک عباس سے گن پوائنٹ پر 70ہزار  اور موبائل فون، ہنجروال  میں ڈاکو اسلحہ کے زور پر سلیم سے 23ہزار اور موبائل فون، جوہر ٹاون میں ڈاکو جویریہ سے موبائل فون، کوٹ لکھپت میں ڈاکو انوار سے گن پوائنٹ پر 10ہزار اور موبائل فون، مستی گیٹ میں ڈاکو ابوہریرہ سے آئی فون، گڑھی شاہو میں ڈاکو ساجد شاہ سے 55ہزار اور موبائل فون چھین کر فرار ہو گئے۔ جنوبی چھاونی، ماڈل ٹاون، سندر، مصطفی ٹاون، مزنگ، ساندہ سے کاریں اور لاری اڈا، مصطفی ٹائون، چوہنگ، نواب ٹاؤن، مانگا منڈی، گڑھی شاہو سے موٹر سائیکلیں چوری ہوگئیں۔