متعدد وارداتیں‘ شہری لاکھوں روپے گنوا بیٹھے‘ 5 کاریں‘ 10 موٹر سائیکل چوری

لاہور (نامہ نگار) چوری و ڈکیتی کی وارداتوں میں متعدد شہریوں سے لاکھوں روپے‘ زیورات، موبائل فون، موٹر سائیکلیں، گاڑیاں اور دیگر سامان لوٹ لیا گیا۔ ڈاکوؤں نے فیکٹری ایریا میں فواد کے گھر گھس کر اہلخانہ کو یرغمال بنا کر ساڑھے 5لاکھ روپے‘ موبائل فون اور دیگر سامان، ہنجروال میں فاروق سے3 لاکھ 10 ہزار روپے اور موبائل فون، غازی آباد حمید سے 2 لاکھ 65 ہزار روپے اور موبائل فون، ٹاؤن شپ میں رضا سے 91 ہزار روپے اور موبائل فون، کوٹ لکھپت میں رشید سے 73ہزار روپے اور موبائل فون، ہنجروال میں احمد سے 51ہزار روپے اور موبائل فون، مصطفی آباد میں آصف سے32 ہزار روپے اور موبائل فون، گرین ٹاؤن میں  عادل سے 20 ہزار روپے اور موبائل فون، سندر میں شہزاد سے10 ہزار روپے اور موبائل فون، سبزہ زار میں اسرار سے 3 ہزار روپے اور موبائل فون لوٹ لیا، فرارہو گئے۔ چوروں نے سبزہ زار، ڈیفنس، نصیر آباد، غالب مارکیٹ اور فیکٹری ایریا سے 5 کاریں جبکہ کاہنہ، اسلام پورہ، لوئرمال، شفیق آباد، مصری شاہ، باغبانپورہ، برکی، ریس کورس، مزنگ، لوئر مال اور مانگا منڈی سے10 موٹر سائیکلیں چوری کر لیں۔