مغلپورہ: نامعلوم افراد کی فائرنگ سے 2 نوجوان قتل‘ راہگیر زخمی

 لاہور (نامہ نگار) مغلپورہ میں موٹر سائیکل سوار دو نامعلوم افراد نے اندھا فائرنگ کر کے 24 سالہ زاہد رشید اور 26 سالہ ارسلان غنی کو موت کے گھاٹ اتار دیا۔ جبکہ فائرنگ کی زد میں آکر ایک شخص شدید زخمی ہو گیا۔ حملہ آور فائرنگ کرتے موقع سے فرار ہوگئے۔ پولیس اور امدادی ٹیموں نے زخمی شخص کو طبی امداد کے لئے ہسپتال منتقل کر دیا جبکہ نعشیں پوسٹ مارٹم کے لئے مردہ خانے منتقل کر کے تفتیش شروع کردی ہے۔ پولیس کے مطابق مطابق واقعہ پرانی دشمی کا شاخسانہ لگتا ہے۔ جلد اصل حقائق سامنے آجائیں گے اور ملزمان کو  گرفتار کر لیا جائے گا۔