نارنگ منڈی (نمائندہ نوائے وقت) کالا خطائی روڈ پر جئے سنگھ والا کے قریب ڈمپر نے سکول وین کو ٹکر مار دی جس کے نتیجے میں وین ڈرائیور اور ایک طالبعلم جاں بحق جبکہ 15 بچے زخمی ہوئے۔ اطلاع پر ریسکیو 1122 اور پولیس نے زخمی بچوں کو دیہی مرکز صحت نارنگ منتقل کردیا۔ جنہیں ابتدائی طبی امداد کے بعد لاہور میوہسپتال منتقل کردیا گیا ہے۔ جاں بحق ڈرائیور ارمان کا تعلق نواحی گاؤں ماڑی جبکہ 9 سالہ معیز کا تعلق جئے سنگھ والا سے ہے۔ جبکہ15 زخمی بچوں اسد نثار‘ عمان عرفان‘ معیز سلطان‘  حسنین ذکاء اللہ‘  کنزہ جمیل‘ طاہر تنویر‘ ریان واجد‘ فراز  اشرف و دیگر شامل ہیں۔ نجی سکول کی وین نواحی دیہات ماڑی مہتہ سوجا اور جئے سنگھ والا سے نارنگ سکول آرہی تھی۔ جاں بحق افراد کی نماز جنازہ آبائی گاؤں ماڑی اور جئے سنگھ والا میں ادا کردی گئی۔ تمام مکاتب فکر نے المناک حادثے پر گہرے دکھ اور غم کا اظہارکیا۔ پولیس نے ڈمپر ڈارئیور کے خلاف مقدمہ درج کرکے کارروائی کا آغاز کردیا ہے۔