لاہور(سپورٹس رپورٹر)پریذیڈنٹ ٹرافی کرکٹ ٹورنامنٹ کے چھٹے راؤنڈ کے میچوں کے پہلے دن ہائر ایجوکیشن کمیشن نے سٹیٹ بینک آف پاکستان کیخلاف ٹاس جیت کر پہلے بیٹنگ کی‘ٹیم صرف 95 رنز بناکر آؤٹ ہوگئی۔ محمد جنید 27 رنز ناٹ آؤٹ کیساتھ ٹاپ سکورر رہے۔ سلمان علی آغا نے 5 وکٹیں حاصل کیں۔  زاہد محمود نے 3 کھلاڑی آوٹ کیے۔سٹیٹ بینک آف پاکستان نے کھیل کے اختتام پر3وکٹوں پر 188 رنز بنالئے۔عمرامین 110 ‘ رمیز عزیز 53 رنز پر موجود تھے۔ دونوں چوتھی وکٹ کی شراکت میں 112 رنز کا اضافہ کرچکے ہیں۔ غنی گلاس نے ٹاس جیت کر واپڈا کو بیٹنگ دی جو 212 رنز بناکر آؤٹ ہوگئی۔ ایاز تصور نے81رنز بنائیے۔ شعیب اختر نے 5 وکٹیں حاصل کیں۔غنی گلاس نے6وکٹوں کے نقصان پر 45 رنز بنالئے ۔علی شفیق نے 4 وکٹیں حاصل کیں۔ پی ٹی وی نے کے آر ایل کیخلاف ٹاس جیت کر بیٹنگ کا فیصلہ کیا اور آٹھ وکٹوں پر 360 رنز بنائے۔ محمد سلیمان نے101 رنز بنائے۔ وقارحسین نے 75 رنز جبکہ جہانداد خان نے67 رنز بنائے ۔ احمد بشیر نے تین کھلاڑی آؤٹ کیے۔