لاہور(سپورٹس رپورٹر)قومی سکواڈ نیوزی لینڈ کے شہر ڈنیڈن کے ریسٹورنٹ میں ایک ساتھ کھانا کھانے پہنچ گیا۔ پاکستان کرکٹ بورڈ ڈیجیٹل کی جانب سے ویڈیو بھی سوشل میڈیا پر شیئر کی گئی ہے جسے ڈنر ٹائم وائبس کا نام دیا گیا۔ دن کی روشنی میں قومی ٹیم کے کھلاڑی کھانا کھانے مقامی ریسٹورنٹ پہنچے۔ ٹیم ڈائریکٹر اور کوچنگ اسٹاف کے ساتھ ساتھ تمام کھلاڑی ریسٹورنٹ میں خوشگوار موڈ میں نظر آئے۔ کھلاڑیوں کی آپس میں خوش گپیاں چلتی رہیں جبکہ کپتان شاہین آفریدی ٹیم کیلیے فوٹر گرافر بن گئے۔