پاکستانی حذیفہ ابراہیم کی امریکہ میں جونیئر سکواش چیمپئن شپ میں دوسری پوزیشن 

لاہور (سپورٹس رپورٹر ) پاکستان کے سکواش کھلاڑی حذیفہ ابراہیم نے ورجینیا کے شہر شارلٹس ول میں مڈ اٹلانٹک جونیئر چیمپئن شپ میں دوسری پوزیشن حاصل کی۔ اس سے قبل وہ مڈ اٹلانٹک انڈر 19 اوپن اسکواش چیمپئن شپ کے پلاٹینم زمرے میں فائنل میں پہنچ گئے۔ حذیفہ ابراہیم کو گزشتہ 6 مہینوں میں ان کی شاندار پرفارمنس کیلئے سراہا گیا کیونکہ اس نے یو ایس جونیئر اوپن 2023ء میں بھی دوسری پوزیشن حاصل کی۔حذیفہ ابراہیم نے مہارت اور ہنر کا شاندار مظاہرہ کیا جب اس نے ٹاپ سیڈز کو شکست دے کر امریکہ کے فلاڈیلفیا میں یو ایس جونیئر چیمپئن شپ کے فائنل تک رسائی حاصل کی۔