اسلام آباد+ لاہور (صباح نیوز+ نوائے وقت رپورٹ+ خبرنگار) وزیراعظم محمد نواز شریف خاندان کے دیگر افراد کے ہمراہ عید سعودی عرب میں منائیں گے اور عید کی شام کو وطن واپس آئیں گے۔ صدر ممنون حسین اسلام آباد میں عید منائیں گے۔ سابق صدر آصف علی زرداری، بلاول بھٹو زرداری دوبئی میں عید منائیں گے۔ امیر جماعت اسلامی سراج الحق بھی سعودی عرب میں عید منائیں گے۔ چیئرمین سینیٹ میاںمحمد رضا ربانی کراچی، سپیکر قومی اسمبلی سردار ایاز صادق لاہور میں عید منائیں گے ا سی طرح جمعیت علماء اسلام (ف) کے سربراہ مولانا فضل الرحمان ضلع ڈیرہ اسماعیل خان، اسفند یار ولی ولی باغ چارسدہ، الطاف حسین لندن میں عید منائیں گے۔ تحریک انصاف کے چیئرمین عمران خان بنی گالہ اسلام آباد میں عید منائیں گے۔ صدر ممنون عید کے روز ایوان صدر میں صبح دس بجے سے دن گیارہ بجے تک اہم شخصیات سے عید ملیں گے۔ آصف زرداری کی بیٹیاں بختاور اور آصفہ بھٹو بھی دوبئی میں مقیم ہیں۔ یوسف رضا گیلانی ملتان، رواجہ پرویز اشرف راولپنڈی، منظور احمد وٹو اوکاڑہ، مخدوم سید احمد محمود لاہور، شوکت بسرا ہارون آباد میں عید منائیں گے۔