سعودی عرب سمیت خلیجی ممالک ، مشرق وسطیٰ،مشرق بعید اورکئی مغربی ممالک میں آج عیدالفطرمذہبی جوش و جذبے کے ساتھ منائی جا رہی ہے

سعودی عرب اورمتحدہ عرب امارات میں عید الفطر کےکئی بڑے بڑے اجتماعات ہوئے۔ سعودی عرب میں نمازعیدالفطر کا سب سے بڑا اجتماع مکہ مکرمہ میں ہوا جس میں سعودی فرمانروا سمیت دیگر اعلیٰ حکام نے شرکت کی۔ مدینہ منورہ کی مسجد نبوی میں بھی عیدالفطر کا بڑا اجتماع ہوا جس میں فرزندان اسلام کی بڑی تعداد نے شرکت کی۔ دبئی انڈونیشیا، ملائشیا میں بھی آج عیدالفطر انتہائی جوش وجذبے اور مذہبی عقیدت و اخترام کے ساتھ منائی جا رہی ہے۔دبئی میں نماز عیداالفطرکا سب سے بڑا اجتماع شیخ زید مسجد میں ہوا۔ جاپان ، فلپائن، اٹلی ، کویت ، جرمنی سمیت کئی دیگرممالک میں بھی آج عید الفطر منائی جا رہی ہے۔