چوہدری نثارکا کردار عوام کے سامنے کھلی کتاب کی طرح ہے، چوہدری بلال لالی

راولپنڈی (نیوزرپورٹر) چوہدری نثار علی خان کا کردار عوام کے سامنے کھلی کتاب اور تعمیر و ترقی کا درخشاں باب ہے ان خیالات کا اظہار سماجی و سیاسی رہنما چوہدری بلال لالی نے ایک بیان میں کیا انہوں نے کہا کہ آزاد حیثیت سے الیکشن لڑنے کے فیصلے کے بعد اس وقت پوری قوم کی نظریں چوہدری نثار علی خان کے حلقوں پر لگی ہوئی ہوئی ہیں، جابجا ان کی خدمات کے نشان ان کی کارگردی کا منہ بولتا ثبوت ہیں جیپ کا نشان فتح کی علامت ہے انہوں نے علاقے کو پسماندگی کی دلدل سے نکال کر ترقی یافتہ علاقوں کی صف میں شامل کیا۔ انہوں نے کہا دور دور تک کوئی ان کا ثانی نہیں ہے وہ کسی کے ایجنڈے پر کام نہیں کرتے ان کا ایجنڈا حلقے کی عوام کی خدمت کے سوا کچھ نہیں جس کو مخالفین بھی سراہتے ہیں۔