آرسنل نے لیورپول کو 2-1سے اپ سیٹ شکست دے دی

لندن(آئی این پی)انگلش فٹبال پریمیئر لیگ میں چیمپئن ٹیم لیور پول کو اپ سیٹ شکست ہو گئی، 9نمبرٹیم آرسنل نے دو ایک سے ہرا دیا۔ برنلے اور وانڈرر کے درمیان فل اعصاب شکن مقابلہ ہوا، میچ ایک ایک کی برابری پر ختم ہوا۔لاک ڈان ایس او پیز کے باعث شائقین نہ ہونے کے باوجود شاندار فٹبال مقابلے ہوئے، نمبر نائن آرسنل نے چیمپئن ٹیم لیورپول کو اپ سیٹ کر دیا۔ بتیس اور پھر چوالیس منٹ کے گول نے حیران کن جیت آسان بنائی، اسٹارز سے جڑی ٹیم لیورپول کی طرف سے واحد گول مین نے بیسویں منٹ پر کیا، مایہ ناز کھلاڑی محمد صلاح کا جادو نہ چل سکا، پرستار مایوسی کا شکار نظر آئے۔دوسرا میچ انتہائی سنسنی خیز ثابت ہوا، وولور ہیمپٹن وارنڈرر اور برنلے کے میچ میں تابڑ توڑ حملوں کے باوجود فرسٹ ہاف میں کوئی گول نہ ہو سکا،مقررہ وقت تک وولو کی برتری برقرار رہی۔