لاہور (خصوصی نامہ نگار)لاہورڈویلپمنٹ اتھارٹی کے ڈائریکٹر جنرل احمد عزیز تارڑ کی ایم ڈی واسا کے ساتھ اہم بیٹھک،ایم ڈی واسا نے ڈائریکٹر جنرل ایل ڈی اے کو صحافی کالونی میں سیوریج اور پانی کے مسائل حل کرنے کے حوالے سے بریفنگ دیتے ہوئے بتایا کہ صحافی کالونی ایف بلاک کا سیوریج سسٹم سب ڈویژن سے منسلک کیا جا ر ہا ہے۔ سیوریج سسٹم اور پانی کے مسائل بہت جلد حل ہو جائیں گے۔اس موقع پر ڈائریکٹر جنرل ایل ڈی اے احمد عزیزتارڑ نے کہا کہ صحافی کالونی کے مسائل کے حل کے لئے تمام وسائل بروئے کارلائے جائیںاور مسائل ترجیحی بنیادوں پر حل کیے جائیں۔