بدکلامی کی بنیاد پر سیاسی مخالفین کشمیر کا الیکشن نہیں جیت سکتے: اسلم گل 

لاہور (نامہ نگار)پیپلز پارٹی وسطی پنجاب کے سینئر نائب صدر اسلم گل نے کہا ہے کہ بدکلامی کی بنیاد پر ہمارے سیاسی مخالفین آزاد کشمیر اسمبلی کا الیکشن نہیں جیت سکتے،یہ عوام کی نمائندہ حکومت نہیں بلکہ ضیاء اور مشرف دور کا تسلسل ہے ۔وہ گزشتہ روز پیپلز پارٹی گوجرانولہ ڈویژن کے صدراظہرڈار کی رہائشگاہ پر پریس کانفرنس سے خطاب کر رہے تھے۔اس موقع پر علی امین گنڈا پور کا پتلا بھی نذرآتش کیا گیا۔پریس کانفرنس میں پی پی گوجرانولہ ڈویژن ،ڈسٹرکٹ،سٹی اور تحصیل کے صدور اور سیکرٹریز کے علاوہ ایل اے 35,36,37,38,42 سے الیکشن لڑنے والے پیپلز پارٹی کے امیدواروں نے بھی شرکت کی۔پریس کانفرنس میں اظہر حسن ڈار،میاں ودود حسن ڈار،اظہر حسین ،چودھری اختر،ڈاکٹر احسن،اصف بشیر مانگٹ,اویس بیگ اور دیگر بھی موجود تھے۔