اولمپین نوید عالم کے ایصال ثواب کیلئے دعائیہ تقریب، قرآن خوانی 

لاہور +شیخو پورہ(سپورٹس رپورٹر+نمائندہ خصوصی +نمائندہ نوائے وقت) پاکستان ہاکی فیڈریشن کی جانب سے اولمپین نوید عالم مرحوم کے ایصال ثواب کیلئے پاکستان ہاکی فیڈریشن ہیڈکواٹرز لاہور میں دعائیہ تقریب منعقد کی گئی۔ سیکرٹری جنرل پاکستان ہاکی فیڈریشن  آصف باجوہ، منظور جونیئر، اختر رسول ، خواجہ جنید، دانش کلیم، رانا ظہیر، مدثر علی ودیگرٍٍٍٍٍٍٍٍٍٍٍٍٍ نے شرکت کی ۔ابق کپتان شہباز سینئر نے کہا ہے کہ اولمپین نوید عالم جنونی آدمی تھا جس نے ہاکی کے میدان میںپاکستان کا نام روشن کرنے کیلئے اپنا انتھک کردارادا کیا۔ اس کا جنون پاکستان ہاکی کے سسٹم کو راتوں رات ٹھیک کرنے کا تھا مگر اس کیلئے وقت درکار تھا۔ نوید عالم سے محبت اور احترام کا گہرا رشتہ تھا جو ناپہلے کبھی ختم ہوا تھا اور نہ اب ہوگا ۔جن اچھے مقاصد کیلئے نویدعالم جدوجہد کررہا تھا اس کو آگے لیکر چلیںگے۔ مزید پانچ سال ہاکی کی بہتری اور اسکی عظمت رفتہ کی بحالی کیلئے درکار ہیں۔حکومت نوید عالم کے بیٹے کیلئے ملازمت کیساتھ دیگر مراعات کی فراہمی کا اعلان کرے۔ ان خیالات کااظہارانہوںنے اولمپین نوید عالم کے انتقال پران کی اقامت گاہ پر میڈیا سے گفتگو کرتے ہوئے کیا ۔اس موقع پر اولمپین محمد ثقلین ،مرحوم کے بھائی مبشر احمد چودھری ، چودھری خالق عزیز ورک ، ظہیر احمد منے خان ، قمر عباس، ملک نجیب اسلم کھوکھر،ماجد منظور کاہلوں سمیت دیگر بھی موجودتھے۔ شہباز سینئر نے نوید عالم کی قبر پرفاتحہ خوانی کی اور مرحوم کی والدہ ،بیٹوں اور بیٹیوں کیساتھ اظہارتعزیت بھی کیا۔