کوٹ ادو(خبرنگار) پرانی رنجش پر رشتہ دارنے محنت کش کے بیٹے پر خونخوار کتاچھوڑ دیا، بچہ ہسپتال داخل۔ تفصیل کے مطابق کوٹ ادو کے نواحی بستی جھنڈیر میں کالو گاڈی کی اپنے رشتہ دارریاض گاڈی سے پرانی رنجش چلی آ رہی تھی، گزشتہ روز کالوگاڈی کابیٹا محمدعرفان گاڈی دکان سے سودا سلف لے کر گھر جا رہا تھا کہ راستہ میں بیٹھے ریاض گاڈی نے اپنا خونخوار کتا عرفان گاڈی پر چھوڑ دیا جس نے بچے عرفان گاڈی کی دونوں پنڈلیوں پر کاٹ لیا،تشویشناک حالت کے باعث عرفان گاڈی کو ہسپتال داخل کرا دیا گیا، پولیس نے متاثرہ  عمران گاڈی کے نانا شیر محمد گاڈی کی مدعیت میں کتا مالک ریاض گاڈی کے خلاف مقدمہ درج کرلیاہے۔