لاہور (کلچرل رپورٹر) لاہور آرٹس کونسل الحمراء میں دو روزہ کلاسیکل موسیقی فیسٹیول بنام ’’یاد سلامت‘‘ کا آغاز ہوگیا۔فیسٹیول الحمراء آرٹس کونسل اور شام چوراسی میوزک سرکل کی خصوصی پیشکش ہے۔فیسٹیول کے پہلے روز ایگزیکٹوڈائریکٹر الحمراء فرحت جبیں نے اپنے خطاب میں کلاسیکل فنکاروں کی خدمات کو سراہتے ہوئے پاکستان سمیت دنیا بھر کے فیسٹیول دیکھنے والے سامعین و حاضرین کی دلچسپی کی تعریف کی اور کہا کہ آج بھی کلاسیکل موسیقی سننے والوں کی بڑی تعداد موجود ہے۔