لاہور (نامہ نگار) کاؤنٹر ٹیررزم ڈیپارٹمنٹ پنجاب نے مختلف کالعدم تنظیموں کے6 مبینہ دہشت گرد گرفتار کر لیے۔ سی ٹی ڈی ترجمان کے مطابق دہشت گردی کے کسی بھی ناخوشگوار واقعہ سے نمٹنے کے لیے رواں ہفتے صوبہ بھر کے مختلف اضلاع میں 14 انٹیلی جنس بیسڈ آپریشنزکیے جس میں 14 مشتبہ افراد سے پوچھ گچھ کے دوران مختلف کالعدم تنظیموں کے6 مبینہ دہشت گردوں کو گرفتار کر کے ان کے قبضہ سے اسلحہ، ہینڈ گرنیڈ، دھماکہ خیز و دیگر ممنوعی مواد برآمد کر لیا اور مقدمات درج کروا دیئے ۔ ترجمان نے مزید کہا کہ رواں ہفتے کے دوران مقامی پولیس اور سکیورٹی اداروں کی مدد سے669 کومبنگ آپریشنز کیے گئے۔ ان آپریشنز کے دوران25,255 افراد کو چیک جبکہ 63 مشتبہ افراد گرفتار اور 56 ایف آئی آر درج کی گئیں۔