اسلام آباد (نوائے وقت رپورٹ) آئی ایس پی آر کے مطابق بلوچستان کے علاقے زیارت کے قریب سکیورٹی فورسز کے آپریشن میں دو دہشتگرد ہلاک ہو گئے۔ ہلاک دہشت گردوں کے قبضے سے اسلحہ و گولہ بارود برآمد کر لیا گیا۔ سکیورٹی فورسز نے آپریشن تین روز قبل شہید کئے گئے لیفٹیننٹ کرنل لئیق بیگ مرزا کے مغوی عمر جاوید کی بازیابی کیلئے کیا۔ علاقے کی سرچنگ کے دوران مغوی عمر جاوید شہید کی نعش مل گئی۔ عمر جاوید کی نعش علاقہ ورچوم کے قریب نالے سے ملی۔ اندازے کے مطابق دہشت گردوں نے عمر جاوید کو اغواء کے فوری بعد شہید کر دیا تھا۔ تین سے چار افراد دہشت گردوں کی گرفتاری کیلئے علاقے میں آپریشن جاری ہے۔ پاک فوج بلوچستان کے امن‘ استحکام اور ترقی سبوتاژ کرنے کی کوششیں ناکام بنانے کیلئے پرعزم ہے۔