لندن(آئی این پی)انگلینڈ نے جنوبی افریقا  کے خلاف سیریز  کے لیے ٹی ٹوئنٹی اور ون ڈے اسکواڈز کا اعلان کردیا۔تفصیلات کے مطابق ٹیسٹ کپتان اور وائٹ با ل فارمیٹ میں ٹیم کے اہم رکن سمجھے جانے والے بین اسٹوکس کو ٹی ٹوئنٹی میں آرام دیا گیا ہے،انگلینڈ ان دنوں بھارت کے ساتھ ون ڈے سیریز کھیلنے میں مصروف ہے جس کا آخری میچ17 جولائی بروز اتوار کو کھیلا جائے گا۔بعد ازاں انگلینڈ ٹیم جنوبی افریقا کے خلاف 19 جولائی سے  تین ایک روزہ میچز کی سیریز  میں مد مقابل ہوگی۔دوسرا میچ 22 جولائی اور تیسرا میچ 24 جولائی کو کھیلا جائے گا۔اس کے بعد 27 جولائی سے تین ٹی ٹوئنٹی میچز کی سیریز کھیلی جائے گی جس کا دوسرا میچ 28 جولائی اور تیسرا میچ31 جولائی کو کھیلا جائے گا۔ون ڈے اسکواڈ میں جوز بٹلر(کپتان)، معین علی، جونی بیئر اسٹو، برائیڈن کارس، سیمکرن، لیام لیونگ اسٹون، کریگ اوورٹن، میتھیو پوٹس، عادل رشید، جو روٹ، جیسن روئے، فل سالٹ، بین اسٹوکس،ریس ٹوپلی اور ڈیوڈ ویلی شامل ہیں جبکہ ٹی ٹوئنٹی اسکواڈ میں جوز بٹلر(کپتان)،معین علی،جونی بیئراسٹو،ہیری بروک، سیم کرن، رچرڈ گلیسن، کرس جورڈن،لیام لیونگ اسٹون،ڈیوڈ ملان، عادل رشید،جیسن روئے، فلسالٹ،ریس ٹوپلی اور ڈیوڈ ویلی شامل ہیں۔