قلعہ دیدار سنگھ :انتظامیہ کی مبینہ غفلت،شہرکے تمام واٹر فلٹریشن پلانٹ ناکارہ 

قلعہ دیدار سنگھ(نمائندہ خصوصی)انتظامیہ کی مبینہ غفلت،قلعہ دیدار سنگھ کے تمام واٹر فلٹریشن پلانٹ ناکارہ ہوگئے، آلودہ پانی کے استعمال سے شہری مختلف بیماریوں کا شکار ہونے لگے،علاقہ مکینوں نے پلانٹ بحال کرنے کی اپیل کی ہے،تفصیلات کے مطابق انتظامیہ کی عدم توجہی اور غفلت کے باعث قلعہ دیدار سنگھ میں لاکھوں روپے کی لاگت سے تیار ہونیوالے تمام واٹر فلٹریشن پلانٹ نا کارہ ہوگئے جس سے شہری صاف پانی سے محروم ہیں، آلودہ پانی کے استعمال سے شہری ہیپاٹائٹس سمیت مختلف بیماریوں کا شکار ہورہے ہیں، شہریوں نے کمشنر وڈپٹی کمشنر گوجرانولہ سے اپیل کی ہے کہ مقامی انتظامیہ کو تمام واٹر فلٹریشن پلانٹس چالو کرکے صاف پانی کی فراہمی شروع کرنے کی سختی سے ہدایت کی جائے تاکہ شہری صحت مند زندگی بسر کرسکیں۔