لاہور(نامہ نگار)پاکستان پیپلز پارٹی لاہور ڈویژن کے صدر چودھری اسلم گل نے کہا ہے کہ عام انتخابات کے بعد وقت الیکشن پر اتحادی حکومت کی جماعتوں میں کوئی اختلاف نہیں۔ پیپلز پارٹی پنجاب میں بھر پور طریقے سے انتخابی جنگ لڑے گی۔ وہ ڈسٹرکٹ ٹو کی پیپلز پارٹی کی تقریب سے خطاب کر رہے تھے۔اسلم گل نے کہا کہ بے نظیر انکم سپورٹ پروگرام بی بی شہید کا اس ملک کے نادار اور مستحق افراد کےلئے ایسا تحفہ ہے،جو رہتی دنیا تک رواں دواں رہےگا۔انہوں نے چیئرمین بلاول بھٹو زرداری اور چیئر پرسن بینظیر انکم سپورٹ پروگرام شازیہ عطا مری سے درخواست کی ہے کہ لاہور میں قومی اسمبلی کے14 اور صوبائی اسمبلی کے 30حلقوں میں بے نظیر انکم سپورٹ پروگرام کے حوالے سے خصوصی پروگرامز رکھے جائیں تاکہ وہاں کے ووٹرز کو اس کی افادیت سے روشناس کرایا جا سکے۔