فیروز والہ (نامہ نگار) کوٹ عبدالمالک کے قریب تیزرفتار موٹر سائیکل اور لوڈر ٹریکٹر ٹرالی کے درمیان تصادم میں دو  دوست  جاں بحق جبکہ ساتھی نوجوان شدید زخمی ہوگیا۔ فیکٹری ملازم تین دوست   مزمل احمد 20، محسن اور  بابر موٹر سائیکل پر سوار ہو کر کوٹ عبدالمالک سے جاوید نگر جارہے تھے کہ  جب ان کی موٹر سائیکل  جاوید نگر کے قریب پہنچی تو سامنے سے یو ٹرن لیتے ہوئے لوڈر ٹریکٹر ٹرالی بے قابو ہو کر ان سے ٹکرا گئی جس کے نتیجے میں  دو دوست  مزمل احمد اور  محسن موقع پر جاں بحق ہو گئے جبکہ ان کا دوست بابر زخمی ہو گیا جسے ریسکیو  عملے  نے  طبی امداد کے لیے ہسپتال  داخل کرا دیا ہے جبکہ پولیس نے دونوں دوستوں کی نعشوں کو  قبضہ میں لے کر ضروری کارروائی کے بعد ورثاء کے حوالے کر دیں۔