تمام انسانوں کو ایک دوسرے کی بھلائی‘ بہتری کی سوچ رکھنی چاہئے: گورنر

لاہور (نیوز رپورٹر)گورنر پنجاب محمد بلیغ الرحمن سے گورنر ہائوس لاہور میں ورلڈ بدھسٹ یونیورسٹی کے اعزازی ریکٹر انیل سکیا (Anil Sakya) کی تھائی لینڈ کے سفیر چکرد کراچیوانگ  Chakkrid)  ( Karachaiwong اور وفد کے ہمراہ  ملاقات۔اس موقع پر گورنر پنجاب محمد بلیغ الرحمن نے ورلڈ بدھسٹ یونیورسٹی کے اعزازی ریکٹر انیل سکیا (Anil Sakya) اور تھائی لینڈ کے سفیر چکرد کراچیوانگ  Chakkrid کو پاکستان، پنجاب اور تاریخی شہر لاہور میں خوش آمدید کہا۔ انہوں نے کہا کہ تمام انسانوں کو ایک دوسرے کی بھلائی اور بہتری کی سوچ رکھنی چاہیے۔مختلف تہذیب و تمدن کے لوگوں کو آپس میں روابط بڑھانے چاہئے۔گورنر پنجاب نے کہا کہ پاکستان اور تھائی لینڈ کی عوام کے درمیان قدیمی تعلقات ہیں اورآج بھی اس خطے سے گئے تھائی پٹھان ان روابط کی پہچان ہیں۔گورنر پنجاب نے اس عزم اور خواہش کا اظہار کیا کہ سیاحت بالخصوص مذہبی سیاحت اور ثقافتی سیاحت کو فروغ دیا جائے گا۔