حکومت کاسائبرسکیورٹی حملوں سے بچا ؤاور فوری رسپانس کیلئے اہم قدم

 اسلام آ باد (آئی این پی )پاکستان میں سائبر سیکیورٹی کے بڑھتے خطرات کے پیش نظر وفاقی حکومت نے سائبر سیکورٹی حملوں سے بچاؤ اور فوری رسپانس کیلئے اہم قدم اٹھا لیا۔ وفاقی کابینہ نے سائبر سیکیورٹی کے بڑھتے خطرات کے پیش نظر کمپیوٹر ایمرجنسی رسپانس ٹیمز رولز دوہزار تیئس کی باضابطہ منظوری دیدی۔ وفاقی وزیرآئی ٹی امین الحق کا کہنا ہے کہ وزارت آئی ٹی نے 2021میں رولز کی تیاری کا آغازکیاتھا، تیاری کا آغازپیکا ایکٹ2016،نیشنل سائبرسیکیورٹی پالیسی2021کے تحت کیا۔ امین الحق نے کہا کہ تمام اسٹیک ہولڈرز، متعلقہ اداروں سے مشاورت کی گئی، رولزکے تحت وفاق، صوبائی سطح پر سرٹ ٹیموں کی تشکیل دیجائے گی۔ کمپیوٹرایمرجنسی ٹیمز کے آپریشن کیلئے سرٹ کونسل کا قیام کیا جائے گا۔