راولپنڈی(جنرل رپورٹر)بچوں کی مثبت تفریح اور ان میں اسلامی اخلاقیات اور قائدانہ صلاحیتیں پیدا کرنے کے لیے اسلامی جمعیت طالبات پاکستان، صوبہ شمالی پنجاب کے شعبہ بزم گل کی جانب سے صوبہ بھر میں سمر کیمپس کا انعقاد کیا جائے گا، ان کیمپس کا انعقاد اسلام اباد، لاہور اور فیصل آباد سمیت پندرہ شہروں میں ہوگا۔ کیمپ میں بچوں کو قران اور سنت سے جوڑنے کے ساتھ ساتھ شخصیت و کردار کی تعمیر کے لیے بھی کوششیں کی جائیں گی۔