جابر شاہ ہمدانی،ساجد سلطان شاہ اورشاہ رخ پرویز راجہ کی للیال شریف آمد

دولتالہ سکھو (محمد ریاض چشتی)سجادہ نشین بھنگالی شریف پیرسیدجابر شاہ ہمدانی،جماعت اہل سنت کے ڈویژنل رہنماء سیدساجد سلطان علی شاہ ہمدانی اورسابق وزیر اعظم کے فرزند شاہ رخ پرویز راجہ نے للیال شریف کا تعزیتی دورہ کیا،اس موقع پر انہوں نے پیرسید منصور الحق شاہ گیلانی سجادہ نشین للیال شریف کی وفات پراظہار تعزیت اور لواحقین سے دعائے مغفرت کی اور صاحبزادگان پیر سید علی اکبر شاہ گیلانی اور پیر سید علی اصغر شاہ گیلانی سے دلی ہمدردی اور افسوس کا اظہار کیا ،اس موقع پر جابر شاہ ہمدانی،ساجد سلطان شاہ اورشاہ رخ پرویز راجہ نے صاحبزادگان سے گفتگو میں کہا کہ خطہ پوٹھوہار حقیقی صوفی،دانشور اور ہر دلعزیز شخصیت سے محروم ہوگیا ہے،منصور الحق شاہ نے اپنی سادہ مزاج طبیعت سے ہزاروں لوگوں کے دلوں میں گھر کر رکھا تھا۔وفات سے پیدا ہونیوالانقصان صدیوں پورا نہیں ہوگا۔