گوجرانوالہ(نمائندہ خصوصی) ریجن بھر میں 9 محرم الحرام میں 687 مجالس اور 334 جلوس بر آمد ہو ئے، جن میں کیٹیگری اے کی 21 مجالس اور  20 جلوس بر آمد ہوئے، اس دوران ریجن بھر میں 8 ہزار سے زائد پولیس افسروں، جوانوں اور سینکڑوں قومی رضا کاروں نے ڈیوٹیاں سرانجام دیں، پولیس کی جانب سے میٹل ڈیٹیکٹرز، سی سی ٹی وی کیمروں اور واک تھروگیٹ کی تنصیب کو یقینی بنا تے ہوئے اونچی عمارتوں پر سنائیپر تعینات تھے ،جلوس کے راستے میں آنیوالی گلیوں اور بازاروں کو خار دار تار وں سے بند کیا گیا تھا ،اسی طرح امن و امان کو برقرار رکھنے کیلئے ایلیٹ فورس کے دستے بھی شہر بھر میں گشت کر تے رہے ۔