چیف کوریٹر ٹونی ہیمنگ ذمہ داری سنبھالنے کیلئے آج لاہور پہنچیں گے 

 لاہور (سپورٹس رپورٹر)پاکستان کرکٹ بورڈ نے ٹونی ہیمنگ کو 2 سالہ معاہدے کے تحت ہیڈ کیوریٹر مقرر کر دیا، ویسٹرن آسٹریلیا سے تعلق رکھنے والے ٹونی ذمہ داری سنبھالنے کیلئے آج بدھ کو لاہور پہنچیں گے۔ ہیڈ کیوریٹر بنگلہ دیش اور انگلینڈ کیخلاف آئی سی سی ورلڈ ٹیسٹ چیمپئن شپ کے 5 ٹیسٹ میچزکیلئے پچز تیار کریں گے، بنگلہ دیش کیخلاف اگست اور ستمبر میں 2 ٹیسٹ جبکہ انگلینڈ کیخلاف اکتوبر میں 3ٹیسٹ کی سیریز کھیلی جائیگی۔ ٹونی ہیمنگ آئی سی سی چیمپیئنز ٹرافی 2025 کی پچز کی تیاریوں کی بھی نگرانی کریں گے۔