لاہور(سپورٹس رپورٹر) یور و فٹ بال چیمپئن شپ کی فاتح ٹیم سپین کا وطن واپسی پر شاندار استقبال کیا گیا ۔ میڈرڈ کی سڑکیں شائقین سے بھر گئیں ۔ سڑکیں اور گلیاں لال رنگ سے نہلا گئیں ۔ شہریوںنے چیمپئن ٹیم کے حق میںنعرے بازی کی ۔ یورو کپ 2024 کے فائنل میں 2-1 کی فتح کیساتھ سپین سب سے زیادہ 4 مرتبہ یورو کپ جیتنے والی ٹیم بن گئی۔سپین کی ملکہ لیٹیزیا کیساتھ ان کے خاندان کے ارکان، بشمول شوہر کنگ فیلیپ ششم اور بیٹیاں شہزادی لیونور اور شہزادی انفنتا صوفیہ ہسپانوی فٹ بال ٹیم کی فتح کا جشن منانے کیلئے استقبالیہ میں شامل ہوئے۔ ہسپانوی شاہی خاندان نے میڈرڈ کے زرزویلا پیلس میں استقبالیہ کا اہتمام کیا۔