سی ٹی او لاہور عمارہ اطہرکا قصر بتول شادمان جلوس کے روٹ کا دورہ 

لاہور(نامہ نگار)سی ٹی او لاہور عمارہ اطہرنے قصر بتول شادمان جلوس کے روٹ کا دورہ کیا۔ ایس پی ٹریفک کینٹ سہیل فاضل بھی ان کے ہمراہ تھے۔ عمارہ اطہر نے مختلف ڈائیورشن پوائنٹس،متبادل راستوں کا جائزہ لیا۔سی ٹی او لاہور نے ڈائیورشن پوائنٹس پر وارڈنز کو بریفنگ دی اوروارڈنز کو شہریوں سے خوش اخلاقی سے پیش آنے کی ہدایت کی۔سی ٹی او نے کہا کہ شہریوں کی سہولت کیلئے اضافی نفری تعینات کی گئی ہے۔مجالس اور جلوسوں میں شرکت کیلئے آنے والے زائرین کیلئے بہترین پارکنگ انتظامات کئے گئے ہیں۔سی ٹی او لاہور نے شہر میں دیگر جلوسوں کے ٹریفک انتظامات کا بھی جائزہ لیا۔