شہدائے کربلا نے مظلوم انسانیت کو   ظلم و جبر کے خلاف ڈٹ جانے کا درس دیا :حسن اشرف بھٹی

لاہور(نامہ نگار)پیپلز پارٹی کے رہنما حسن اشرف بھٹی نے کہا ہے کہ شہدائے کربلا نے مظلوم انسانیت کو باطل کے سامنے نہ جھکنے اور ظلم و جبر کے خلاف ڈٹ جانے کا درس دیا ہے۔واقعہ کربلا حضرت امام حسین علیہ السلام اور ان کے ساتھیوں کے بے مثل عزم،حوصلے اور لافانی شہادتوں سے عبارت ہے۔واقعہ کربلا کی یاد منانے کا تقاضا یہ ہے کہ ہم اپنے اندر ایثار و قربانی اور یکجہتی کا وہی جذبہ بیدار کریں جس کا عملی مظاہرہ امام حسین علیہ السلام اور ان کے جاں نثار ساتھیوں نے میدانِ کربلا میں کیا تھا۔