کسووال(نامہ نگار) تھانہ سٹی کی حدود میں مبینہ تیزاب گردی کا واقعہ‘ تین افراد نے سودا سلف خریدنے جاتی ہوئے خاتون پر تیزاب پھینک دیا، متاثرہ خاتون کے شوہر نے تھانہ سٹی میں اندراج مقدمہ کیلئے درخواست دے دی۔ محلہ احمد نگر گلی نمبر2 کے رہائشی زاہد اقبال قوم راجپوت نے تھانہ سٹی میں درخواست دی کہ گذشتہ روز گیارہ بجے کے قریب میری بیوی (ع) گھریلو سودا سلف خریدنے کیلئے جارہی تھی کہ موٹرسائیکل پرسوار تین افراد آئے اور میری بیوی پر تیزاب پھینک کر فرار ہوگئے۔ متاثرہ شخص نے اعلیٰ حکام سے اپیل کی ہے کہ ملزموں کے خلاف مقدمہ درج کرکے قرار واقعی سزاد ی جائے۔