سین ڈیا گو سفاری پارک کے چہیتے گوریلا کی پہلی سالگرہ دھوم دھام سے منائی گئی۔ بے بی گوریلا کے پنجرے میں خصوصی کیک رکھا گیا جب کہ اس کی تازہ پھلوں اور ہری بھری شاخوں سے خوب تواضع بھی کی گئی۔ سالگرہ کے موقع پرگوریلا نے اپنے خاندان والوں کے ساتھ پیٹ بھر کرطرح طرح کے کھانوں کا مزہ لیا۔ ننھے گوریلے کو اس موقع پر خوبصورت تحائف بھی دئے گئے جن سے وہ اٹھکیلیاں کرتا رہا،سفاری گھر میں بچوں کی بڑی تعداد اپنے پسندیدہ گوریلا کی سالگرہ کی منانے کیلئے موجود تھی۔