ٹھٹھہ: زائرین کی کوچ الٹنے سے 3 افراد جاں بحق، 13 زخمی

ٹھٹھہ(این این آئی) کراچی سے حضرت جمیل ڈاتار پیر پٹھوکی درگاہ کی زیارت سے واپس جانیوالی کوسٹر تیز رفتاری کے باعث گجو کے قریب الٹ گئی جس سے تین افراد ہلاک جبکہ13 دیگر زخمی ہوگئے۔ پیر پٹھو کے قریب درگاہ حضرت داتار کی زیارت کرکے واپس آنیوالے زائرین کی کوچ گجو کے قریب تیز رفتاری کے باعث الٹ گئی جس سے وسیم احمد، عرفان علی اور خادم حسین ہلاک ہوگئے جبکہ 13 دیگر زائرین زخمی ہوگئے۔ اطلاع پر قریبی دیہاتوں کے لوگ جائے حادثہ پر پہنچ گئے اور انہوں نے مرنیوالوں سمیت زخمی کو گھارو منتقل کرنے میں مدد دی، دوسری جانب گھارو پولیس نے مرنے والے تینوں افراد کا پوسٹ مارٹم کرانے کے بعد نعشیں ورثاءکے حوالے کردیں جنہیں کراچی منتقل کردیا گیاہے۔