لاہور(نمائندہ سپورٹس +سپورٹس رپورٹر)پاکستان میں تعینات برطانوی ہائی کمشنرتھامس ڈریو نے جمعرات کو پاکستانی ٹیم کو افطار ڈنردیا۔انہوں نے افطار سے پہلے پاکستانی لیگ سپنریاسر شاہ کی گیندوں پر بیٹنگ کی۔ برٹش کونسل میں دیئے گئے اس افطار ڈنر میں نجم سیٹھی اور انتخاب عالم بھی شریک ہوئے۔اس موقع پر تھامس ڈریو نے برطانوی وزیراعظم ڈیوڈ کیمرون کی جانب سے پاکستانی ٹیم کیلئے نیک خواہشات کا پیغام بھی دیا۔پیغام میں کیمرون کا کہنا تھا کہ پاکستانی ٹیم کا انگلینڈ کا دورہ ہمیشہ سے ہی پر جوش رہا ہے۔ اب بھی اس دورے کا شدت سے انتظار کیا جا رہا ہے۔