لاہور(سپورٹس ڈیسک )لندن اولمپکس 2012ءمیں شریک قازخستان کے چار ایتھلیٹس کے ڈوپ ٹیسٹ مثبت نکلے۔چاروںویٹ لفٹرز نے ایونٹ میں گولڈ میڈلز جیتے تھے ۔چاروں ویٹ لفٹرز پر ڈوپ ٹیسٹ مثبت آنے پر پابندی لگائے جانے کا امکان ہے۔انٹر نیشنل ویٹ لفٹنگ فیڈریشن کے مطابق ایتھلیٹس میں علیا علین ‘زلفیا چن شانلو‘مائیا منیزا‘سویتلاناپوڈو بیڈووا شامل ہیں ۔اگر چاروں گولڈ میڈ لسٹ ایتھلیٹس کو ڈراپ کیا جاتا ہے تو قازخستان کی میڈل پوزیشن 12ویں سے 23ویں پر چلی جائے گی ۔قازخستان اولمپکس کمیٹی نے بتایا تھا کہ ان کے پانچ ایتھلیٹس کے ڈوپ ٹیسٹ مثبت آئے ہیں جنہوں نے بیجنگ اور لند ن اولمپکس میںشرکت کی تھی ۔