لاہور (نمائندہ سپورٹس +سپورٹس رپورٹر) پاکستان کرکٹ پلیئرز کو نئے سنٹرل کنٹریکٹ دورہ انگلینڈ کے دوران دیے جائیں گے۔ذرائع کے مطابق قومی کرکٹرز کے سنٹرل کنٹریکٹ تیس جون کو ختم ہوں گے۔ کھلاڑیوں کو نئے سنٹرل کنٹریکٹ دورہ انگلینڈ کے دوران پیش کیے جائیں گے۔ مدثر نذر کے چارج سنبھالنے کے بعد سنٹرل کنٹریکٹ کمیٹی مکمل ہو گئی ہے۔سنٹرل کنٹریکٹ کمیٹی میں چیف سلیکٹر انضمام الحق اور ڈی جی انٹرنیشنل کرکٹ عثمان واہلہ بھی شامل ہیں۔ قومی پلیئرزسے دورہ انگلینڈ کے ضابطہ اخلاق پر بھی دستخط لیے جائیں گے۔