گوجرانوالہ(نمائندہ خصوصی) مسلم لیگ ن کے سٹی نائب صدر جمشید ایوب بٹ نے کہا ہے کہ قومی اسمبلی میں اپوزیشن لیڈر شہباز شریف پر حملہ سو چی سمجھی سکیم کے تحت کیا گیا حکمران پارلیمانی روایات کو اپنے غرور اور تکبر کے پائوں کے نیچے روند رہے ہیں وزرا ء نے اسمبلی میں تماشا کر کے جمہوریت کی پیٹھ میں چھرا گھونپنے کی کوشش کی ہے ان خیالات کا اظہار انہوں نے ن لیگی بلدیاتی نمائندوں کے وفد کیساتھ ملاقات میں کیا ۔ اس موقع پر سٹی سیکر ٹری اطلاعات و یوسی چیئرمین عامر اکرام بٹ ، یو سی چیئر مین عمر جاوید بٹ ،لالہ ظہیر احمد ، خطیب الرحمان مغل ، وائس چیئر مین شاہد چوہان اور دیگر بھی موجودتھے۔