لاہور(سپورٹس رپورٹر )آزاد جموں و کشمیر، ہزارہ مردان، لورالائی ژوب، لاہور اور بے نظیر آباد میرپور خاص نے ڈویژنل انڈر 19 ٹورنامنٹس جیت لیے۔ ناردرن کرکٹ ایسوسی ایشن کے زیراہتمام  فائنل میں اے جے کے ڈویژن نے گلگت بلتستان ڈویژن کو دس وکٹوں سے شکست دیدی۔ خیبرپختونخوا کرکٹ ایسوسی ایشن کے زیراہتمام فائنل میں ہزارہ مرادن ڈویژن نے پشاور کوہاٹ ڈویژن کو 62 رنز سے ہرادیا۔ بگٹی سٹیڈیم کوئٹہ میں کھیلے گئے فائنل میں لورالائی ژوب ڈویژن نے کوئٹہ رکشان ڈویژن کو 6 وکٹوں سے شکست دی۔  لاہور نے فیصل آباد کو 21 رنز سے ہرا کر سینٹرل پنجاب انڈر 19 ڈویژنل ٹورنامنٹ جیت لیا۔ فائنل میں بے نظیر آباد میرپور خاص نے کراچی کو 8 وکٹوں سے شکست دے کر سندھ ڈویژنل انڈر 19 ٹورنامنٹ جیت لیا۔