محمد عامر کا انگلینڈ میں ٹی ٹونٹی  بلاسٹ کھیلنے کا معاہدہ

 لاہور(سپورٹس رپورٹر) قومی کرکٹ ٹیم کے فاسٹ بائولر محمد عامر نے انگلینڈ میں ’ٹی ٹونٹی بلاسٹ‘ ٹورنامنٹ کھیلنے کیلئے معاہدہ کرلیا ہے۔ بائیں ہاتھ کے پیسر محمد عامر ٹی ٹونٹی بلاسٹ میں گلوسٹر شائر ٹیم کی نمائندگی کریں گے، کاؤنٹی نے مذکورہ کھلاڑی کی ٹی ٹونٹی بلاسٹ میں شمولیت کو خوش آئند قرار دیا ہے۔ترجمان کاونٹی کا کہنا ہے کہ محمد عامر کو نسیم شاہ کے متبادل کے طور پر سکواڈ کا حصہ بنایا گیا ہے جو ہمارے لئے بہت خوشی کی بات ہے، یقین ہے کہ عامر کے آنے سے ٹیم کمبی نیشن بہتر ہوگا۔ اور ان کے تجربے سے ٹیم کو فائدہ ہوگا۔