سیاسی پسند ناپسند پر نشتر کے 3 ڈاکٹرز کے تبادلے ناانصافی‘ پی ایم اے جنوبی پنجاب

 تمام برانچز پی ایم اے ملتان ڈی جی خان مظفر گڑھ لودھراں خانیوال وہاڑی کے عہدیداران نے صدر پروفیسر ڈاکٹر مسعود الرؤف ہراج کی قیادت میں پریس کانفرنس کرتے ہوئے کہا کہ تقریباً 01 ماہ سے ڈاکٹرز کا استحصال کیا جا رہا ہے جنوبی پنجاب کی واحد نشتر میڈیکل یونیورسٹی میں ٹیچنگ فیکلٹی کی شدید کمی ہے لیکن اسکو پورا کرنے کی بجائے حکومت پنجاب نے سیاسی پسند اور ناپسند کی بنا پر نشتر ہسپتال سے 03 سینئر ڈاکٹروں کا تبادلہ کر دیا ہے  پی ایم اے عہدیداران کا کہنا تھا کہ ہیلتھ کئیر کمیشن کی ٹیمیں اتائیت کے خلاف کاروائیوں کی بجائے قانونی طور پر پریکٹس کرنے والے ڈاکٹروں کو ہراساں کرنے کے ساتھ ساتھ انہیں جرمانے کر رہے ہیں اگر ہیلتھ کئیر کمیشن کی ٹیمیں باز نہ آئیں تو جنوبی پنجاب بھر میں ہیلتھ کئیر کمیشن کا بائیکاٹ کر دیا جائے گا عہدیداران کا کہنا تھا کہ اگر ہمارے جائز مطالبات کو پورا نہ کیا گیا تو سخت لائحہ عمل اپنانے پر مجبور ہوں گے۔