سکھر (بیورو رپورٹ)  ڈسٹرکٹ بار ایسوسی ایشن سکھر کی سوشل ویلفیئر کمیٹی کے زیر اہتمام اور الشفاء آئی ٹرسٹ کے تعاون سے ڈسٹرکٹ بار کونسل سکھر میں ایک روزہ مفت آئی کیمپ کا انعقاد کیا گیا کیمپ کے افتتاحی  تقریب میں صدر ڈسٹرکٹ بار ایسوسی ایشن ظفر علی منگی ، سیکریٹری ذوالفقار ملانو سمیت  ڈسٹرکٹ بار ایسوسی ایشن سکھر کی سوشل ویلفیئر کمیٹی کے چیئرمین سعید قریشی ، اراکین اظہر احمد ، آصف علی ، فیصل قریشی ، عبدالحفیظ رخسانہ ابڑو و دیگر وکلاء رہنما سمیت الشفاء آئی ٹرسٹ کے جنرل مینجر انجنیئر عاطف ریاض ، مدثرجبکہ خصوصی طور پر سیشن ججز صاحبان نے شرکت کی اور وکلاء کی فلاح بہبود کے کاموں کو سراہا ، کیمپ میں الشفاء آئی ٹرسٹ کے ماہر ڈاکٹر یاسر جوکھیو نے 550سے زائد مریضوں کا معائنہ کیا کیمپ میں35سرجری کیسز ریفر کئے گئے ، 300سے زائد چشمے فراہم کئے گئے جبکہ 400سے زائد مریضوں کو مفت ادویات تقسیم کی گئی ۔