مری  (نا مہ نگارخصوصی ) دربار بابا لعل شاہ قلندر سوراسی سیداں نیو مری میں روح عی قلندر بابا سید لعل شاہ قلندر کا سالانہ عرس گدی نشین  پیر سید علی رضا کاظمی کی سرپرستی میں11 جون سے   جاری ہے ملک بھر سے ہزاروں زائرین   جو ق در جوق آ رہے ہیں ۔  محافل  نعت ، سماع  اور قوالی اپنے شیڈول کے مطابق  ہو رہی ہیں۔دربار کے احاطے میں  کسی قسم کے ڈھول باجے ،  ناچ گانے ، ڈانس پارٹیاں اور منشیات  کے استعمال پر مکمل پابندی ہے ۔ دربار  اور عرس انتظامیہ مکمل کامیابی سے انتظامات کر رہی  ہے ۔  گدی نشین  پیر سید علی رضا کاظمی نے زائرین اور عقیدت مندوں  کی اطلاع کیلئے پیغام جاری کیا ہے کہعرس کی تقریبات  18 جون  تک جاری رہیں گی  اور اختتامی دعا 18 جون کو 10 بجے دربار  کی مرکزی  جامع  لعل مسجد میں  پیر سید رضا کاظمی کروائیں گے  جس میں ملک بھر سے   نامور اولیائے کرام ، نعت خواں حضرات ،زائرین اور عقیدت مند  شرکت کریں گے ۔