آر پی او بہاولپورکی صدارت میں تھرڈ تبدیلی تفتیش بورڈ اجلاس

ملتان،بہاولپور، حاصل پور( نمائندہ خصوصی، نیوز رپورٹر، نامہ نگار)ایڈیشنل انسپکٹر جنرل پولیس جنوبی پنجاب کی ہدایت پر گزشتہ روز ملتان پولیس لائن میں تھرڈ تبدیلی تفتیش بورڈ کا انعقاد کیا گیا تبدیلی تفتیش بورڈ اجلاس کی صدارت آر پی او بہاولپور صادق علی ڈوگر نے کی اے آئی جی انوسٹیگیشن جنوبی پنجاب رانا محمد اشرف اور ایس پی لیگل حاکم نول نے بطور ممبر شرکت کی ڈیرہ غازی خان ریجن سے 9 اور ملتان ریجن سے 9 اپیلوں پر سماعت کی جنوبی پنجاب پولیس آفس کے قیام سے اب تک یہ ساتواں تبدیلی تفتیش بورڈ کا اجلاس ہوا۔بہاولپورسے نیوز رپورٹر، حاصل پور سے نامہ نگارکے مطابق ریجنل پولیس آفیسرصادق علی ڈوگر نے ریجنل آفس سی ٹی ڈی کمپلکس بہاولپور کا دورہ کیا۔آراو سی ٹی ڈی نے آر پی او بہاولپور کو اپنے محکمہ کے مختلف امور کے بارے میں بریفنگ دی،اس موقع پر ڈسٹرکٹ آفیسر سی ٹی ڈی ایاز لغاری بھی موجود تھے۔آر او سی ٹی ڈی کیپٹن(ر)مظہر اقبال نے کہا کہ اس ادارہ میں انٹیلی جنس،آپریشن اور تفتیشی امور بھی سر انجام دیئے جاتے ہیں۔آر پی او صادق علی ڈوگر نے کہا کہ کاونٹر ٹیرر ازم ڈیپارٹمنٹ کی اولین ترجیح عوام الناس کو دہشت گردوں کے انفرادی اور اجتماعی ناپاک عزائم سے محفوط رکھنا ہے ۔نیشنل ایکشن پلان کے تحت سی ٹی ڈی اپنا مثبت کردار ادا کر رہی ہے۔سی ٹی ڈ ی تھانہ لیول پر باہمی انفارمیشن شیئر کرتے ہوئے کام کریں ،کسی کو بھی مذہب کی آڑ میں امن وامان خراب کرنے کی اجازت نہیں دی جائے گی۔آر پی اونے سی ٹی ڈی کی پیشہ ورانہ کارکردگی کو سراہا ۔